ស្រុកព្រៃនប់៖ វេលាម៉ោង១:០០នាទី រសៀលថ្ងៃទី១៤កក្កដា២០២៤ លើដងផ្លូវជាតិលេខ៤ ចន្លោះគីឡូម៉ែត្រ១៩២-១៩៣ ស្ថិតនៅភូមិបត់សិរមាន់ ឃុំព្រៃនប់ ស្រុកព្រៃនប់ ខេត្តព្រះសីហនុ ។
មានករណីគ្រោះថ្នាក់ចរាចរណ៍មួយបានកើតឡើង រវាងម៉ូតូកែឆ្នៃភ្ជាប់រទេះធុងការ៉េម ០១គ្រឿង ម៉ាកវ៉េវអាល់ហ្វា ពណ៌ខ្មៅ គ្មានស្លាកលេខ មានទិសដៅពីខេត្តព្រះសីហនុ-ភ្នំពេញ បានកាច់កម៉ូតូធ្លាក់ខាងស្តាំដៃចូលក្រឡុកទឹកក្បែរផ្លូវតែម្តង ។
ករណីគ្រោះថ្នាក់ចរាចរណ៍ខាងលើនេះបណ្តាលអោយ អ្នកបើកបរម៉ូតូរទេះខាងលើឈ្មោះ អៀង បុរី ភេទប្រុស អាយុ ២៦ឆ្នាំ មុខរបរ លក់ការ៉េម រស់នៅភូមិ អូរចំណារ ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ(ស្លាប់នៅកន្លែងកើតហេតុ)។
បច្ចុប្បន្ន សាលសពបានប្រគល់ជូនគ្រួសារសពដើម្បីធ្វើបុណ្យតាមប្រពៃណី។ ចំណែកឯវត្ថុតាង (ម៉ូតូ) បានយកមករក្សាទុកនៅអធិការដ្ឋាននគរបាលស្រុកព្រៃនប់ ៕
